Kisi gaon me ek zamendar rehta tha. Iske pas dunya ki har nemat moujod thi. Jo shayed bht kam logo ko naseb hoti hai. Dolat ke ghamand me wo khuda ko bhol chuka tha. Ke khuda bh hai jo usko dekh rha hai. Wo jb chata gaon me kisi zameen par qabza karleta wo jb chata gaon me kisi bh bande ke janwar, Ijnas apne karindon se uthwa leta usne zulm ki inteha kar di thi. Har shakhs iske zulm ka shikar tha. Sb usse nalan th. Bezar th. Usse insaf ki bheeg mangne ane walon ko uske nokar mar kr bhaga dete th. Ya phir qed me dal dete th. Uski apni ek choti jail th jaha wo chote kisano ko maqroz qarar de kar qed me dalta th. Or unki zameen par qabiz hojata.

 Usi doran shehar se uske bachpan ka dost milne aya to usne gaon ka jaiza lia or jate jate usko gaon me aaleshan haweli banane ka mashwara de dia. Usne kaha dost! esi haweli bnao jiska hudod arba dor dor tak phela ho. Tazeno araish aesi ho jisko dekhne wala dekhta reh jae lehaza zameen dar ko haweeli banane ki tajweez pasand aae or ye bat uske dil me beth gae. Usne raat din haweeli banane ke khawab dekhna shroo kar die isi isna me usne sehar se theke dar ko bulwaya or theke dar ko naqsha dekhaya to usne kaha jinab zameen dar sahab!

 Jo naqsha ap mjhe dikha rhe hain. uske mutabiq to haweeli ke lie takreeban nisf (aadhe) gaon ki zameen dar kar hai. Agar haweeli banae jae to gaon ke gareeb log kaha jaenge. Zameen dar ne kaha apko raqam se matlab hona chae. Wo mera or gaon walo ka mamla hai. Ye gaon wale mere aage kia bechte hain. Zameen dar ne kaha meri haweeli aesi honi chae ke dunya ki aankhe khuli ki khuli reh jaen. Haweeli me istamaal hone wala saman mulk ke kone kone se mangwaya gya. Kam sroo hogya. Bechare gaon ke log khamoshi se apne opr hone wale zulm ko dekh rahe th. Gaon ke logon ke ghar ek ek kar ke gira dia gye th. Haweeli zameen dar ke naqshe ke mutabiq tayyar horahi th. Gaon ka ek ek fard insaf ki bheg mang rha tha. Magar wo kisi ki nhe sun rha tha. or zulmo jabar krrha tha. Goan ke log khule aasman ke tale be saro saman zindagi basar kar rhe th. Or wo kabhi dunya se insaf talab karte kabhi khuda ko pukarte. isi tarha unke shabo roz guzar rhe th. Magar zalim zameen dar ko un par reham na aaya. Kuke zameen dar dolato tarwat ke nashe me chur tha. Or Rab Tala ko bilkul bhool gya ke koe khuda bh hai jo uske is amal se ba khabar hai.

Khete hai khuda ki lathi be awaz hoti hai.

 Aaleshan haweeli apne akhri marahel me dakhil ho chuki th. Zameendar ne jaiz na jaiz tamam dolat, rupee, pese laga die th. Or jald hi haweeli tyar hogae. Magar zameendar ko gaon walon par khuda tarsi na aae.

 Goan wale ab khuda se insaf ke talab gar th. Wo apni orton or bachon ko khule aasman tale sakht sardi me dekhte to khuda ke aage gir girate th. Isi tarha zameendar apne khandan ke hamrah haweeli me rahaesh pazer hogya. Haweeli me aaj zameendar ki pehli raat th.

 Jashan ka saman tha. Dor dor ke gaon ke zameendaron or afsaron ko dawat aam di gye th. Anwaro iqsam ke khane murgo musallam mukh talif qism ke mashroobat or aatish bazi, rango sorror ki mehfil jari th. Haweeli dekh kar waqe logon ki aankhen khuli ki khuli th.

 Zameendar apne ghoror ke nashe me gum tha. ke achanak agli rat ko jab tamam khandan ke afrad nend ki aghosh me th ke achanak haweeli ke andar ek ajeebo gareeb awaz peda hui. Or dekhte hi dekhte ek tar tarhat peda hui dar o dewar hilne lagi. Or tazeno araish se saji hui dewaren hilne lagi to tamam saman zameen par girne laga. Or inki aan me tamam haweeli zameen bos hogae.

 Subha hui to pata chala ke baqi manda gaon ke ilawa srf haweeli or zameendar ka khandan zameen bos hochuke hain. Or sub kuch minto me khatam hogya hai. Wo haweeli jo pori ab tab se gaon me charon janib se jalwa afroz th. Ek rat me mitti ka dher ban chuki th. Zameendar wo wahid fard tha jo apne khandan me zinda reh gya tha. Wo shayad qudrat ne zinda rkha tha. Qudrat ne isko nishane ibrat banya tha. Ta ke isse sabaq sekhe. Zulm karne baz rhe.

Zameendar ye sb kuch dekh kar apne hawas kho chuka tha. Or paglon ki tarhan mitti ke tile pe betha kabhi mutthiyon me ret bharta or kabhi ret me hath marta. Wo mitti ret me apni dolat, apna ghuror, apna khandan talash karta.

 Wo zor zor se apna sar zameen par marta. Magar sb kuch hath se nikal chuka tha. Gaon ke wo tamam log uski halat dekhte to kabhi aasman ko dekhte or sochte ke ghuror kitni buri bala hai. Han kisi ne thek kaha ke hamesha ghuror ka sar necha hota hai.