Koi Pani la de mujhe,mujhe pyas lag rahi hai,Zainab,Zainab,Zainab bhagti hoyi bawarchi khane (Kitchen) se Pani ka glass la kar ayi aur us shaks ko diya jo charpaye (Bed) pe lita tha.Zainab 16 saal ki bahimat(Brave) aur parhako bachi thi.Aur jis ko Zainab ne Pani la k diya woh is ka Baba (Father) the.Darasal us ke baba ka dono pawo (both legs) ek hadse(Accident) mein kat gaye the.Aur Zainab un ki ek loti Aulad thi.Ammi gharo mein bartan manj ke aur Masi ka kam kar k kuch paise lati thi jis se badi mushkil se ghar ka chola chalta tha.Zainab ke baba ek karkhane (Factory) mein mulazim the hadse k bade Karkhane ke malik ne un ki koi zimadari nahi li aur na hi koi mali madad ki jis se un ka ghar kafi mushkilat mein agaya tha.Zainab roz kehte ek din mein parh likh k bohat badi Doctor bano gi aur baba ke liye bohat se paise bhi lawo gi.lekin Afsos ki baat ya thi k Parhi k liye paise chaye hote hain jo is khandan k pas nahi the. Zainab ne kaye bar apni ammi se kaha ke mein bhi larko ki tarah kisi Dukan pe kam kar leti ho ya karye ka Riksha chala leti ho.Us ki ammi bolti yeh larko ka kam hai tumhara nai hum waise bhi jald se jald kisi na kisi tumhari shadi karwana chate hai.Zainab is baat pe apne ap pe ghusa ho jati jab bhi woh Dua mangti Khuda se aik hi sawal poucti "Mujhe Larka q nahi banya tu ne".

Ek roz Zainab ghar aye tu darwaze se dakhil hote hi woh chup ke se apne waldeen ki baatein sune lagi.Woh jaise jaise baatein sun rahi thi us ki ankho se anso nikal rahe the woh roye ja rahi thi.Dar asal us k waldeen badi dukhe andaz meien keh rahe the k kash hamara koi beta hota,Zainab tu larki hai,Allah ne hamara kaisa Imtahan liya hai ek tu mazoor kar diya uper se Beti jaisi Zehmat bhi hamare gale dal di.Zainab udas ho k anso pouchte hoye Kamre mein chli gaye.Woh bohat ro rahi thi k us ke waldeen us ko Azab samjhte hai.

Zainab ke liya ap roz ka mamol ho gaya tha woh jab bhi school se ati tab tab us ko us ke waldeen aise baatein karte hoye hi milte.Ab woh ap ne wajood se nafrat karne lagi thi woh chati thi k "Kash Khuda mujhe larka hi paida karta".Lekin ab mein kia karo mera wajood tu mere waldeen ke liya ek masla hai.Woh ghanto roti rahti.Din raat woh bas ALLAH se shikwa karti rehti.School mein aur parhi mein ab us ka dehan nahi tha ab bus us ne apne upar is masle ho hawi hi kar liya tha.Ek roz Zainab ke rishte k liye kuch ortain aye Ammi ne kahi se Acha sa libas udhar le ke Zainab ko pehna diya tha aur Make up kar diya tha.Us ke waldeen khush the larke wale agar hamari beti ko pasand kar le tu Hamri beti ka ghar bus jaye ga aur hum bhi chain se zandagi guzar le

ge.Larke wale aye tu larka umer mein kafi bada aur badtamiz sa tha.Lekin Zainab ne larke ko beghair dekhe hi Shadi ke liye ha kar diye hala ke us ki umar 16 saal thi.

Ek roz jab Zainab sham me jab saheli ke ghar se ayi tu larke wale us ke waldeen se larh rahe the woh bhi andar agayi.Larke wale kah rahe the Jaheez mein ek Bike nahi de sakte hum pagal the jo tum behkario se rishta jor rahe the.Larke wale bura bhale keh k ja chuke the.Zainab ke baba aur ammi is ke bade Zainab ko kosne lagi k ALLAH ne yeh larki kio di hame larka de dete jo hamara sahara ban jata yeh tu boj ban chuki hai ab is ke liye jaheez kaha se laye.Zainab rone lag gaye aur Apne apko kamre mein band kar liya.Raat ko jab Us ne kamre ka darwaza khola tab us ke waldeen ne us se baat tak na ki.Zainab boli is mein mera kia qasoor hai kia mein apni marzi se paida hoyi ho.ALLAH ne mujhe paida kiya hai.Yeh Larke larki ka farq Mashre (Society) ne banaya hai.Ammi ne kaha bakwas band kar ab teri itni himmat ho gaye ke hum se zaban chalati hai dafa ho apne kamre mein.Zainab kamre mein chali gayi aur darwaza band kar liya.

Zainab ke waldeen apni qismat ko kos rahe the jis ke awaze Zainab tak pounch rahi thi lekin ab Zainab ro nahi rahi thi balke chup the us ke anso sook chuke the.Woh muskura rahi thi.Subha hoi ammi ne nashta banana shuru kia aur Zainab ke abou bhi uth gaye tu ammi ne Zainab ko awaz di "Ajow Zainab Nashta karlo Phir school bhi jana hai".kafi awazo k bade bhi darwa band tha.Zainab ki ammi ne kaha shayed so rahi hai ab tak unho ne ab darwaze ko bajana shuru kar diya.Darwaza andar se band tha.Zainab ki Ammi ko shak ho us ne kaha Zainab Darwaza khol jaldi.Lekin koi awaz nahi arahi thi.Zainab ke ammi ne mohale walo ko bula liya aur kaha Zainab darwaza nahi kholti.Logo ne Darwaza tor diya.Darwa jaise hi tota waha Zainab Ki Lash padi thi.Zainab ne apni gardane Churi (Throat Cutting) se kat li thi.Police ne jab Tafteesh (Investigation) shuru ki tu Zainab ki lash ke pas se ek khat mila.Jis mein likha tha.

"Mere ammi abou ap ko mera akhiri salam,Ap ko yeh khat tab mile ga jab mein ap se dor ja chuki hongi.Meri moot pe rona mat mein tu us hi din mar gayi thi jab apne mujhe Azaab kaha tha.Yeh tu bus Akhiri rasam ke tor mein Roh aur jism ko alag kar diya hai.Rona mat.Ab ap ko meri fiqr kar ne ki zaroorat nahi ab ap aram se zindagi guzare,ALLAH Hafiz Ammi abou.Police wale uncle se meri pehli aur akhri guzarish aur bayan hain ke mere marne ke bade mere waldeen ko tang na kare mujhe mere waldeen ne nahi mujhe is Moashree (Society) ke rasam o riwaj ne mara hai.Mein ALLAH ke pas ja rahi ho yeh sawal pouchne ke mujhe Larka q nahi banaya".